Венгрия-Сербия теміржолының Венгрия бөлігінде жүк тасымалы ресми түрде басталды (7)

28 ақпан, онлайн «Халық Газеті» -- Венгрияның жергілікті уақыты бойынша 27 ақпан, түнгі сағат 00 шамасында жүк пойызы Венгрия астанасы Будапешттің Ференцварош теміржол вокзалынан жолға шығып, Венгрия-Сербия теміржолының Венгрия бөлігіндегі жүк тасымалын ресми түрде бастады.

Венгрия-Сербия теміржолы Будапештті Сербия астанасы Белградпен байланыстырады. Бұл Қытай мен Орталық және Шығыс Еуропа елдерінің «Бір белдеу, бір жол» бірлескен құрылысының символдық бастамасы. Сондай-ақ Қытай теміржол техникасы мен жабдықтарының Еуропа Одағы теміржолының өзара байланысты техникалық ерекшеліктерімен түйіскен алғашқы жобасы болып табылады.

Венгрия-Сербия теміржолы Венгрия бөлігінің жалпы ұзындығы шамамен 158,6 шақырымды құрайды. Бұл жолаушылар мен жүк тасымалына арналған электрлендірілген теміржолдың ең жоғары жобалық жылдамдығы сағатына 160 шақырымды құрайды. Жобаны Қытай теміржол инжиниринг корпорациясына қарасты бөлімшелер Венгрияның жергілікті кәсіпорындарымен бірлесіп орындауда. Құрылыс 2020 жылдың шілдесінде басталып, 2022 жылдың ақпанында құрылыс-монтаж жұмыстары кезеңіне өткен болатын.