Қытайдың Ұлттық өнер мұражайында «Ганьсу жібек жолы өнерінің қазыналары» көрмесі ашылды

17 наурыз, онлайн «Халық Газеті» -- Жақында Бейжіңдегі Қытай Ұлттық өнер мұражайы мен Ганьсу өлкесінің Мәдени жәдігерлер бюросы ұйымдастырған «Ганьсу жібек жолы өнерінің қазыналары» көрмесі ашылды. Көрмеге Дуньхуан ғылыми-зерттеу институтының, Ганьсу өлкелік мұражайының, Ганьсу Бамбук тақта жазулары мұражайының және Қытайдың ұлттық өнер мұражайының коллекцияларынан құралған 240-тан астам жәдігер ұсынылған. Соның ішінде фаянс, бамбук тақта жазулары, портреттік плиткалар, түрлі-түсті мүсіндер және көшірілген қабырға суреттері және басқа да санаттағы жәдігерлер бар.