Қытай мен Орталық Азия саяси партиялары диалогының алғашқы отырысы өтті (3)

13 маусым, онлайн «Халық Газеті» -- 12 маусымда Бейжіңде Қытай мен Орталық Азия саяси партиялары диалогының алғашқы отырысы өтті. Кездесуге Қазақстан парламентінің төменгі палатасы спикерінің орынбасары, Қырғызстан парламенті спикерінің орынбасары және Орталық Азияның бес елінен келген 26 негізгі саяси партияның басқа да көшбасшылары қатысып, сөз сөйледі.

ҚКП Орталық Комитетінің шетелмен байланыс бөлімінің министрі Лю Цзяньчао жақында тұңғыш Қытай-Орталық Азия саммитінің сәтті өтуі тағдыры ортақ Қытай-Орталық Азия қауымдастығын құруда үлкен қадам тудырғанын айтты. Қытай Коммунистік партиясы Орталық Азиядағы саяси партиялар Президент Си Цзиньпин мен бес елдің мемлекет басшылары қол жеткізген маңызды консенсусты іске асыру, саяси өзара сенімділікті тереңдету, Орталық Азияның даму стратегияларымен ұштастыра отырып, «Бір белдеу, бір жол» бастамасын ілгерілету үшін бірге жұмыс жасауға дайын. Сонымен бірге өркениеттің алмасуы мен өзара үйренуді ынталандыруға, аймақтық және дүниежүзілік бейбітшілікті, тұрақтылық пен өркендеуді бірлесіп қолдауға, тағдыры ортақ адамзат қауымдастығын құруға барынша үлес қосуға әзір.

Кездесуде Орталық Азия саяси партия көшбасшылары Орталық Азия елдері мен Қытай бір-бірімен тату көршілер және стратегиялық серіктестер екенін айтты. Партия көшбасшылары Қытай Коммунистік партиясымен бірге басқару саласында тәжірибе алмасуды нығайтып, бір-бірінің таңдаған даму жолын берік қолдап, Орталық Азия елдері мен Қытай арасындағы қарым-қатынастардың жаңа дамуына жәрдемдесуді күтетінін жеткізді.