Қазақстандық Перцев Тимофей: Алтай - менің «екінші мекенім»

26 қыркүйек, онлайн «Халық Газеті» -- Шыңжаңның Алтай аймағы өзінің көркем табиғаты және ерекше мәдени құндылығымен бүкіл әлемнің назарын аударды. Бұл жер Қытайдың Қазақстан, Ресей, Моңғолия елдерімен шекараласатын маңызды нүктесі, сондай-ақ Қытай мен шетел мәдени алмасуларының жарқын микрокосмосына айналды.

Қазақстандық Перцев Тимофей өзінің «екінші мекенін» тапты. Оның айтуынша, Алтайдың көрінісі көркем, шетелмен алмасуға да қолайлы, бұл жер көрші елдердің, тіпті бүкіл әлемнің туристерін қызықтырады.

Ол көлік тасымалы байланысымен келіп-кетіп жүріп, қытайлық жұбайы Гуан Синланьмен танысып, кейін осында тамыр жаюды жөн көрді. Осылайша жүк көлігінің жүргізушісі Алтайда әйелімен бірге кәуапхана ашты, дәмханадан еларалық дәмдердің хош иісі және жанды тіршіліктің лебі есіп тұрады.

«Менің Алтайым» телехикаясы танымал болғаннан кейін Алтай туралы тақырып ел аузынан түспейтін болды. Туристер мұнда Қанас көлінің құпиясымен танысу үшін келеді және Дөңдібұлақ үңгіріндегі жартасқа сызылған 10 000 жыл бұрынғы тау шаңғысы картиналарын тамашалайды, бұл үңгірді Халықаралық академиялық қауымдастық «адамзат шаңғысының бастауы» деп растаған болатын.

«Менің туған жерім Алтаймен тұтасып жатыр», - деп Перцев Тимофей жиі айтатын. Ол Абай облысының Семей қаласынан келген. Ол Алтай тауларының етегінде, Ертіс өзенінің жағасында орналасқан Қазақстан-Ресей шекарасындағы қала.　

«Семей мен Алтай арасындағы ең ұқсас нәрсе – ол климат».

Алтай тауларында бір жылдың 1/4 бөлігінде қар жауады, Алтай - тау шаңғысы курортындағы қала деген атымен де танымал. Мұнда ежелгі аң терісінен жасалған шаңғымен сырғанау дағдылары жалғасып келеді, ал Генарал тауы және Көктоғай тау шаңғысы курорты сияқты халықаралық шаңғы алаңдары жыл сайын көптеген отандық және шетелдік шаңғы әуесқойларын тартады.