ШЫҰ әрбір елдің дамуына жақсы серпін беретін алаң.

31 тамыз, онлайн «Халық Газеті» -- Шанхай Ынтымақтастық ұйымының 2025 жылғы саммиті Тяньцзинь қаласында өтеді. Ең ауқымды халықаралық іс-шара 31 тамыз бен 1 қыркүйек күндеріне жоспарланған. Айта кету керек, бұл Қытай өткізіп отырған бесінші саммит.

Осыған қатысты Қазақстан ұлттық телеарнасының тілшісі Шерхан Жамбылдың пікірі: 

«Дәл қазіргі жаһандану кезеңінде қарым-қатынасты күшейту маңызды. Кез келген мемлекет тұрақты дамуды көздейді. Қытай алып мемлекет. Сол себепті Қытайдың мындай маңызды мәлімдемелер жасауы тек біздің елге емес, өзге мемлекеттерге де үлкен мүмкіндік. Қытайдың философиясы - жалпы бейбітшілік, сауда-саттық, өзара пайда арқылы қарым-қатынасты дамыту.

Қазір қытай инвесторлары барлық мемлекетке белсенді инвестиция құйып жатыр. Әсіресе сауда-саттықты нығайтуда. Экономикалық байланыстар саяси, мәдени, тағы да өзге салалардағы серіктестіктің дамуына түрткі болады деп ойлаймын.

Ал, ШЫҰ осыған жақсы серпін беретін алаң».