Робот ойындарында 1500 метрге жүгіруден бақ сынаған роботтар былай жүгірді

18 тамыз, онлайн «Халық Газеті» -- Бейжіңде гуманоидты робот ойындары өтті. Бұл әлемдегі құлтемірлер қатысатын  алғашқы кешенді іс-шара. Бейжіңге 16 ел мен аймақтардан жалпы саны 280 команда жиналды. Олар 15-17 тамыз аралығында 26 ойын түрі бойынша 487 жарыста бақ сынады. Осы арқылы гуманоидты роботтардың интеллектуалды шешім қабылдау қабілеті, спорттық ынтымақтастық және басқа салалардағы озық жетістіктері бойынша тексеру жасалды. Бұл видеодан сіз 1500 метр қашықтыққа жүгіру жарысы бойынша бақ сынаған роботтарды тамашалай аласыз.