Қазақстан киносы Қытай фестивалінде көрсетілді

2025 жылдың 3-7 маусым аралығында Қытайдың Чунцин қаласындағы Шанхай ынтымақтастық ұйымына (ШЫҰ) мүше елдердің халықаралық кинофестивалі басталды. Бұл туралы Kazinform хабарлады.

Бұл мәдени іс-шара ШЫҰ елдері арасындағы гуманитарлық байланыстарды дамытуға және кино саласындағы ынтымақтастықты кеңейтуге бағытталған.

Іс-шараға Қазақстандық делегация Мәдениет және ақпарат министрлігі, ҚР Ұлттық киноны қолдау мемлекеттік орталығы, Ш. Айманов атындағы «Қазақфильм» киностудиясы өкілдері, сондай-ақ Қазақстандағы танымал продюсерлері мен режиссерлері қатысып жатыр.

Биылғы фестивальдің «Алтын Камелия» атты негізгі байқау бағдарламасына 10 елден 20 фильм енді. Әр елден екі туынды ұсынылған.

Қазақстандық «Набат операциясы» мен «Ағайындылар» фильмі қытай көрерменіне көрсетіледі.