Қытай шетелдік инвестицияларды пайдалануды тұрақтандыру және оңтайландыру бойынша іс-қимыл жоспарын жариялады

23 маусым, онлайн «Халық Газеті» -- 22 маусым күні Қытайдың Сауда министрлігі басқа үкіметтік ведомстволармен бірлесіп, шетелдік инвестицияларды пайдалануды тұрақтандыру және оңтайландыруға бағытталған іс-қимыл жоспарын жариялады.

Жоспарда бес негізгі бағыт бойынша 15 шара егжей-тегжейлі қарастырылған: нарыққа қолжетімділікті кеңейту, инвестициялық процедураларды оңтайландыру, инвестицияларды ілгерілету жұмыстарын күшейту, шетелдік инвесторларға қызмет көрсету және қолдау жүйелерін кемелдендіру, шетелдік инвестицияларды басқаруды жақсарту.

Жоспарда нарыққа қолжетімділікті кеңейтуге, әсіресе қызмет көрсету, қаржы және фармацевтика салаларында, сондай-ақ шетелдік инвестицияларды бірге сатып алу процедураларын оңтайландыруға, трансшекаралық деректер ағындарына және шетелдік инвестициялары бар кәсіпорындардың ішкі нарықта қайта инвестиция салуы сынды салалардың инвестициялау барысын оңтайландыруға басымдық берілген.

Сонымен қатар, жоспарда «Қытайға инвестиция салу» бастамасын ілгерілету және шетелдік инвестициялары бар кәсіпорындардың ұлттық режимді толық пайдалануын қамтамасыз ету бойынша нақты шаралар көрсетілген.