Каспийді құтқаруға 1,1 млрд теңге бөлінді

Фотосурет: DKNews.kz

Каспий теңізі соңғы жылдары жиі талқыланатын тақырыпқа айналды. Су деңгейінің төмендеуі, балық қорының азаюы, экологиялық қауіптерге байланысты ҚР Үкіметі резервінен «Каспий теңізі Қазақ ғылыми-зерттеу институты» АҚ-ға 1,1 млрд теңге бөлінді деп хабарлайды DKNews.kz.

Тиісті қаулыға ҚР Премьер-министрі Олжас Бектенов қол қойды. Бұл шешім Президенттің Каспийді кешенді зерттеу және сақтау жөніндегі тапсырмаларын орындау аясында қабылданды.

Бөлінген қаражаттың нақты бағыттар төмендегідей:

Теңізде тұрақты мониторинг жүргізуге арналған заманауи жабдықтар сатып алу;

Гидробиологиялық зертханаларды жаңарту;

Гидрохимиялық зертханаларды толық жарақтандыру;

Қазақстандық сектор бойынша ғылыми-негізделген деректер базасын қалыптастыру.