Қазақстанда ең озық технологияларды енгізуден бас тартқан компанияларға экспорт шектелуі мүмкін

Ең озық қолжетімді технологияларды (ЕҚТ) енгізбеген компаниялар өз өнімін экспорттауда шектеулерге тап болуы мүмкін. Бұл туралы ҚР Сенат депутаты, Аграрлық мәселелер, табиғатты пайдалану және ауылдық аумақтарды дамыту комитетінің хатшысы Ольга Булавкина айтты деп жазды Kazinform.

ҚР депутатының айтуынша, экологиялық жаңғыртудан бас тарту ұзақмерзімді перспективада өндіріс шығындарының артуына алып келеді. Бұл инфляция мен экологиялық нормалардың қатаңдауына байланысты. Сонымен бірге, Қазақстанның экологиялық саясатына халықаралық әріптестердің сенімі азаюы мүмкін. Бұл Қазақстанды «жасыл» халықаралық бастамалардан шығарып, орнықты қаржыландыруға қолжетімділікті шектеуге әкеледі.