Қазақстан мен Қытай бейбіт атом саласындағы ынтымақтастықты нығайтып жатыр

Қазақстан Республикасының Атом энергетикасы агенттігінің төрағасы Алмасадам Сәтқалиев Қытай Халық Республикасының Экология және қоршаған ортаны қорғау министрінің орынбасары, Ядролық қауіпсіздік жөніндегі ұлттық басқарманың басшысы Дон Баотонмен кездесу өткізді, деп хабарлады KAZINFORM .

Ақпаратқа сәйкес, келіссөздер Астана қаласында өтіп, атом энергиясын бейбіт мақсатта пайдалану саласындағы қазақстан-қытай ынтымақтастығын кеңейту мәселелеріне арналды.

Тараптар екі елдің реттеуші органдары арасындағы практикалық ынтымақтастық перспективаларын талқылады.