Алматыда қытайлық компанияның қатысуымен қоқыс өңдеу зауыты салынады

Алматы әкімі Ерболат Досаев Қытайдың жетекші Shanghai SUS Environment Co., Ltd. Компаниясының президенті Лун Цзишэнменн кездесті, деп хабарлайды Kazakhstan Today ақпараттық агенттігі.

Shanghai SU Environment Co., Ltd. - экология және энергетика саласындағы кешенді қызметтердің әлемдік басты жеткізушісі.

Кездесу барысында Алматыда 270 млн.АҚШ доллары сомасына тікелей шетелдік инвестицияларды тарта отырып, қазіргі заманғы қоқыс өңдеу зауытын салу мәселелері талқыланды. Зауыт тәулігіне 2000 тоннаға дейін қалдықтарды 60 МВт-қа дейін электр энергиясын өндірумен қайта өңдейтін болады, бұл Алматының ҚТҚ кәдеге жарату қажеттілігін жабады және 2029 жылға қарай қалдықтарды қайта өңдеу үлесін 80% - ға дейін жеткізуге мүмкіндік береді. Құрылысты 2025 жылдың күзінде бастау жоспарлануда. Қазіргі уақытта ҚР Үкіметімен инвестициялар туралы келісімге қол қою мәселесі пысықталуда.

Жоба Алматының Шанхаймен стратегиялық әріптестігі аясында жүзеге асырылуда. Жаңа зауыт бүкіл Орталық Азияда электр энергиясын өндірумен қалдықтарды экологиялық кәдеге жарату саласында флагманға айналады.