ҚР үкіметі диқандарды қолдауға 40 млрд теңге бөлді

ҚР Ауыл шаруашылығы тауарын өндірушілерді қолдау мақсатында үкімет резервтен 40 млрд теңге бөлді. Тиісті қаулыға ҚР премьер-министрі Олжас Бектенов қол қойды, деп хабарлайды Sputnik.

— Қаражатты көктемгі егіс жұмыстарының сапалы жүргізілуін қамтамасыз ету, 2025 жылдың өнімін қабылдау үшін астық қоймаларын босату, қазақстандық астық экспортының бәсекеге қабілеттілігін арттыру, сондай-ақ жаңа өткізу нарықтарын игеру сияқты кешенді міндеттерді шешуге бағыттау жоспарланып отыр, —  делінген хабарламада.