Қазақстанда ірі қара мен ұсақ малды экспорттауға уақытша тыйым салынды

Қазақстандағы бұл уақытша тыйым асыл тұқымды малдың жаппай экспортына жол бермеу мақсатында енгізілді, деп хабарлады KAZINFORM ҚР Ауыл шаруашылығы министрлігінің баспасөз қызметіне сілтеме жасап.

— Сыртқы сауда қызметі және Халықаралық экономикалық ұйымдарға қатысу мәселелері жөніндегі ведомствоаралық комиссияның (ВАК) 2025 жылғы 12 наурыздағы отырысында Қазақстан Республикасының аумағынан ірі қара малдың (ІҚМ) және ұсақ малдың (ҰМ) аналық басын әкетуге тыйым салуды алты ай мерзімге ұзарту мақұлданды, — делінген хабарламада.