Таиландтағы жер сілкінісінен зардап шеккен қазақстандықтар бар ма — СІМ жауабы

Қазақстанның Сыртқы істер министрлігі Таиландтағы жер сілкінісіне қатысты түсінік берді деп жазды Kazinform.

— Қазақстанның Таиландтағы елшілігінің ақпараты бойынша жер сілкінісіне байланысты осы елдегі Қазақстандықтардан қандай да бір өтініштер келіп түскен жоқ, — деді ҚР Сыртқы істер министрлігінің ресми өкілі Айбек Смадияров агенттік тілшісіне.

Айта кетсек, Мьянмада 7,9 балдық жер сілкінісі тіркелді.

Сонымен қатар, Бангкок тұрғындары қатты жер сілкінісіне байланысты эвакуацияланған.