Қырғызстандағы жер сілкінісінен 50 шақты үйге зақым келген

Қырғызстанның Талас облысы Талас ауданында 28 наурыз күні болған жер сілкінісінен 48 үйге зақым келгені анықталды, деп хабарлайды Kazinform.

Қырғыз Республикасы Төтенше жағдайлар министрлігінің баспасөз қызметі мәлім еткендей, төтенше жағдай болған күннен бастап азаматтық қорғаныс комиссиясы зақым келген үйлерді анықтау жұмыстарына кірісті. Қазіргі уақытта 48 үйдің зақымдалғаны белгілі болды. Тексеріс қорытындысы бойынша акт толтырылды. Комиссия деректеріне сәйкес 48 үйдің 31-і сақтандырылған көрінеді.