Эр-Риядта Украина мен АҚШ келіссөздерінің жаңа раунды аяқталды

Сейсенбі күні Сауд Арабиясының астанасы Эр-Риядта Украина мен АҚШ делегациялары арасындағы келіссөздердің жаңа раунды аяқталды, деп хабарлады KAZINFORM.

Келіссөздер дүйсенбі күні Эр-Риядта өткен және 12 сағаттан астам уақытқа созылған Ресей мен АҚШ делегацияларының кездесуінен кейін өтті.

АҚШ-Ресей және АҚШ-Украина келіссөздерінде техникалық мәселелер, соның ішінде энергетикалық нысандар мен маңызды инфрақұрылымдарды қорғау, бөлінген украиндық балалардың тағдыры және жартылай атысты тоқтату туралы мәселелер қарастырылды.

Bloomberg сейсенбіде хабарлағандай, АҚШ делегациясы ресейлік және украиналық тараптармен сәйкесінше Қара теңізде 30 күндік атысты тоқтату және энергетикалық инфрақұрылымға соққы беру мәселесін талқылады.