Қытай ғарыш станциясына алғашқы шетелдік ғарышкер кіреді

3 наурыз, онлайн «Халық Газеті» -- 28 ақпанда Қытай мен Пәкістан ғарышкерлерді іріктеу және оқыту бойынша ынтымақтастық туралы келісімге қол қойды. Шетелдік ғарышкерлер алдағы бірнеше жылда қысқа мерзімді миссияларды орындау үшін Қытай ғарыш станциясына кіреді.

Бұл келісімге қол қою - Қытай үкіметінің алғаш рет шетел үшін ғарышкерлерді таңдап, оқытатынын, Қытай ғарыш станциясы алдағы уақытта алғашқы шетелдік ғарышкерді қарсы алатынын білдіреді.

Қол қою рәсімі Пәкістан Премьер-Министрінің кеңсесінде өтті. Пәкістан Премьер-Министрі Шахбаз Шарифтің куәгерлігімен Қытайдың басқарылатын ғарыштық инженерия басқармасы директорының орынбасары Лин Сицян Пәкістанның Ғарыш және атмосфераның жоғарғы қабаттарын зерттеу комитетінің төрағасы Мұхаммед Юсуф Ханмен келісімге қол қойды.

Қытайдың басқарылатын ғарыштық инженерия басқармасының мәліметі бойынша, жоспарға сәйкес, екі тарап та іріктеу жұмыстары үшін шамамен бір жыл жұмсайды, Пәкістандық ғарышкерлер Қытайда жан-жақтылы жүйелі жаттығудан өтеді. Қытай ғарыш станциясының миссиясын жоспарлау келісімдеріне сәйкес, Пәкістандық ғарышкерлер мен Қытайлық ғарышкерлер алдағы бірнеше жылда қысқа мерзімді миссиялар үшін Қытай ғарыш станциясына бірге кіреді.