Шыңжаң арқылы өтетін Қытай-Еуропа пойыздарының саны 2024 жылы 14%-ға артты

8 қаңтар, онлайн «Халық Газеті» -- Тілшінің 7 қаңтарда Қытай Теміржолы Үрімжі бөлімшесінен алған ақпаратына сәйкес, 2024 жылы Шыңжаң Теміржолының Алашанькоу және Қорғас қос порттары арқылы 16 414 Қытай-Еуропа (Орталық Азия) пойызы өткен. Бұл өткен жылдың сәйкес кезеңімен салыстырғанда 14%-ға өсіп, рекордтық көрсеткішке жетті.

2024 жылы елдің көптеген аймақтарынан аттанған Қытай-Еуропа пойыздарының санының өсуі жалғасты. Ал Шыңжаң арқылы кіретін және шығатын Қытай-Еуропа пойыздарының саны бұрынғыға қарағанда айтарлықтай артты. Қазіргі уақытта Алашанькоу Теміржол порты арқылы өтетін 123 Қытай-Еуропа пойызының теміржол желісі және Қорғас Теміржол порты арқылы өтетін 85 Қытай-Еуропа теміржол желісі бар. Күнделікті қажетті бұйымдар, механикалық және электр жабдықтары, электронды өнімдер, ауылшаруашылық және қосалқы өнімдер және басқа да тауарлар Шыңжаң теміржол порттары арқылы Орталық Азия мен Еуропа нарығына шығады.

2024 жылы Алашанькоу Теміржол порты арқылы 7684 Қытай-Еуропа (Орталық Азия) пойыз өтті. Бұл өткен жылдың сәйкес кезеңімен салыстырғанда 15,8%-ға көп; Қорғас теміржол порты арқылы 8730 Қытай-Еуропа (Орталық Азия) пойызы өтті, бұл өткен жылдың сәйкес кезеңімен салыстырғанда 12,5%-ға кжоғары. Екі көрсеткіш те рекордтық деңгейге жетті.

Қорғас станциясы мен Алашанькоу станциясы желіні пайдалануды оңтайландырып, пайдалану тиімділігін арттыруды және пойыздың станцияда тұру уақытын қысқартуды жалғастыруда.

«2024 жылы өткен пойыздардың орташа тәуліктік саны 22-ден асты және кері қайтқан Қытай-Еуропа пойызының жүгін алмастыруға орта есеппен 2 сағат кетеді»,- деді Қорғас станциясының Қауіпсіздік өндірісі командалық орталығы директорының орынбасары Юй Жун.