Қытайдан Еуропаға Орталық Азиядағы теміржолдар арқылы тасымалданатын жүк көлемі 5 есе өскен

Кейінгі 10 жылда Қытайдан Еуропаға Орталық Азия арқылы тасымалданатын теміржол жүгінің көлемі 5 есе өскен. Бұл туралы ҚР Көлік министрі Марат Қарабаев Үкімет отырысында айтты, деп хабарлайды KAZINFORM.

«Ел аумағы арқылы Қытай нарықтарын Еуропа және Орталық Азия елдерімен байланыстыратын 5 негізгі халықаралық теміржол дәліздері өтеді.

Соңғы 10 жылда осы дәліздер арқылы контейнерлік транзит көлемі 5 есеге өсті.

Жылдың 10 айының қорытындысы бойынша жүк тасымалының көлемі 3,5% артып, 263 млн 400 мың тонна болды», - деді ол.