Telegram-ның Қазақстанға жауапты кеңсесі Астанада ашылатын болды

ҚР Сенатының жалпы отырысында Цифрлық даму, инновациялар және аэроғарыш өнеркәсібі министрі Жаслан Мәдиев Telegram-ның Қазақстанға жауапты кеңсесі қай қалада ашылатынын айтты, деп хабарлайды KAZINFORM.

«Біз Аstana халықаралық қаржы орталығының базасында Telegram-ның кеңсесін ашып жатырмыз. Контентті модерациялауға жауапты нақты адам анықталады», - деді министр.

Бұған дейін Telegram Қазақстандағы өкілін тағайындап, кеңсесін ашатыны хабарланған.

Бірақ ол кеңсенің қай қалада болатыны нақты айтылмаған еді.