Мұрат Нұртілеу БҰҰ Бас хатшысы Антониу Гутерришпен кездесті

Нью-Йорктегі БҰҰ Бас Ассамблеясының 79-шы сессиясының жоғары деңгейдегі апталығы аясында ҚР мен БҰҰ ынтымақтастығының келешегі талқыланды, деп хабарлайды ҚР СІМ баспасөз қызметі.

БҰҰ-ның Нью-Йорк қаласындағы штаб-пәтерінде Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу Біріккен Ұлттар Ұйымының Бас хатшысы Антониу Гутерришпен кездесті.

Кездесу барысында тараптар БҰҰ Бас Ассамблеясының 79-шы сессиясының назарында тұрған халықаралық күн тәртібіндегі өзекті мәселелері, сондай-ақ БҰҰ-ның ҚР мен өңірдегі қызметін, оның ішінде Алматыда БҰҰ-ның Орталық Азия мен Ауғанстандағы тұрақты даму жөніндегі Өңірлік орталығын құру шеңберіндегі бастамасы талқыланды.