Шэньчжэньде Қазақстан-Қытай іскерлік кездесуі өтті

17 тамыз, онлайн «Халық Газеті» -- Жақында Шэньчжэньде Қытайдың Шетелдегі өнеркәсіпті дамыту қауымдастығы, Қазақстан Республикасының Сауда және интеграция министрлігі, Қазақстан Республикасының Қытайдағы Елшілігі және «Қазақстан Инвестмент» мемлекеттік акционерлік компаниясы бірлесіп ұйымдастырған Қазақстан-Қытай кәсіпкерлерінің кездесуі сәтті өтті. Кездесуде сауда, логистика және көлік, сондай-ақ трансшекаралық электрондық коммерция сияқты өзекті салалардағы алмасуларға баса назар аударылды.

Қытайдың Шетелдегі өнеркәсіпті дамыту қауымдастығы 30-ға жуық мекеме мен кәсіпорын және 40-тан астам қытайлық өкілдермен бірге кездесуге қатысты. Қазақстан Премьер-министрінің орынбасары, Сауда және интеграция министрі Серік Жұманғарин, Қазақстанның Қытайдағы Елшісі Шахрат Нұрышев, Қазақстанның Ауыл шаруашылығы министрі Ербол Қарашөкеев, Қазақстанның Сауда және интеграция министрінің орынбасары Қайрат Төребаев, Қызылорда облысы әкімінің бірінші орынбасары Серік Қожаниязов, Қазақстанның Ұлттық Кәсіпкерлер палатасының төрағасы Райымбек Баталов, Қазақстан Республикасы Индустрия және инфрақұрылымдық даму министрлігі Өнеркәсіптік даму комитетінің төрағасы Азамат Панбаев сияқты басшылар кездесуге қатысты.

Қытайдың Бас кеден басқармасының мәліметтері бойынша, Қытай мен Қазақстан арасындағы тауар айналымының көлемі 2022 жылы шамамен 31,2 миллиард АҚШ долларына жеткен. Қытай Қазақстанның екінші ірі сауда серіктесі болып табылады. Қаңтар айының соңындағы жағдай бойынша Қазақстаннан Қытайға ауыл шаруашылығы өнімдерін жеткізуі өткен жылғы сәйкес кезеңмен салыстырғанда 133,7% -ға, шикізат пен энергия тасымалдаушылар 58%-ға, ал химиялық өнімдер 25,2%-ға ұлғайды.

Сонымен қатар, Қазақстанның Қытайдан импорттаған пластмасса мен каучук 45% - ға, тоқыма 23,4% - ға, ал машиналар мен жабдықтар 21,4% - ға өсті.