Соңғы 10 жыл ішінде Қытай 600 мыңнан астам PhD доктор және 6,5 миллионнан астам магистр дайындады

15 маусым, онлайн «Халық Газеті» -- 14 маусым күні, Білім министрлігі өткізген баспасөз мәслихатында тілшінің алған мәліметінше, Қытай Коммунистік партиясының XVIII-ші құрылтайынан (2012 ж.) бері елімізде жоғары оқу орнынан кейінгі білім берудің кәсіби құрылымы мен дарындылар даярлау құрылымы үздіксіз жетілдірілуде. Бүкіл ел бойынша 800-ден астам жоғары оқу орнынан кейінгі бөлімшелері 600 мыңнан астам PhD докторларын және 6,5 миллион магистрлерді дайындады.

«Соңғы 10 жылда Білім министрлігі жоғары оқу орнынан кейінгі білім беруде кешенді реформалаудың екі кезеңін жүзеге асырды. Еліміз жоғары оқу орнынан кейінгі білім берудің ірі елін құруға күш-жігерін салып, жоғары оқу орнынан кейінгі білім берудің жалпы сапасын қамтамасыз етті және жоғары оқу орнынан кейінгі білім беретін мықты елдің даму жолында тұрақты түрде алға жылжыды», - деді Білім министрлігінің Дипломдарды басқару және жоғары оқу орнынан кейінгі білім департаментінің жауапты тұлғасы.

Құрылым түрлері анағұрлым оңтайландырылған. Соңғы 10 жылда киберкеңістіктегі қауіпсіздік, интегралдық микросхема туралы ғылым мен техника, ұлттық қауіпсіздік және дәстүрлі қытай медицинасы сияқты бірқатар бірінші деңгейлі пәндер мен кәсіби дәреже санаттары қосылып, қытайлық ерекшеліктері бар пәндер жүйесі жетілдірілді. Инженерлік дәреже санаты 1-ден 8-ге дейін түзетілді, ұлттық экономикалық және әлеуметтік дамудың негізгі бағыттарын қамтитын 14 пәнді, 113 бірінші деңгейлі пәнді және 47 кәсіби дәреже санатын қамтитын пән мен кәсіптік каталогын құрады. Сонымен қатар, оқытудың классификациялық жүйесі толықтай дамып, ғылыми дәрежелерді тұрақты дамыта отырып, кәсіби дәрежелер қарқынды дамыды. Магистр дәрежесін алған адамдардың үлесі 2012 жылғы 35%-дан 2021 жылы 58%-ға дейін, ал PhD докторантура дәрежесін алған адамдардың үлесі 5,8%-дан 9%-ға өсті.