Қазақстан президенті Қасым-Жомарт Тоқаев "Хабар 24" арнасына берген сұхбатында көрші Қытай Халық Республикасына қатысты өз ұстанымын жариялады

«Алдымен Қытайдың біздің ең жақын көршіміз екенін түсінуіміз керек. "Құдай қосқан көрші" дейді ғой. Ал көршіні ауыстыруға болмайды. Ол – бір. Екіншіден, Қытай экономикалық тұрғыда өте үлкен жетістіктерге жетті. Қытай жоғары технологиялар мен жасанды интеллект жағынан жетекші мемлекет болып саналады», - деді Қасым-Жомарт Тоқаев.

Қ.Тоқаев мынаны атап өтті: «Біз Қытаймен сауда-экономикалық және инвестициялық ынтымақтастығымызды ары қарай дамытуға мүдделіміз. Қытайды зерттеуіміз керек, қытай тілін үйренуіміз керек. Біз оның мықты ел екенін түсінуіміз керек. Онымен қарым-қатынасымыз да жақсы болуға тиіс».